Sot 8 mars 2017, katër vite qeverisje çfare u bë me to ? Çfarë ndryshoi me to ? Teksa lajnë enët, përgatisin ushqimin, merren me mësimet e fëmijëve, dikush duke fshire lotët e dhimbjes për këtë jetë mizerabel në ekran shfaqesh Ti. Shfaqen zonjat ministre, gra të administratës veshur po aq bukur sa ty, duke ju deklaruar se:
Zaho sot me sinqeritetin e një bebeje më tha diçka që më befasoi, “Ti mama Linda je shumë e bukur. Aty më çarmatosi dhe më bëri të mendoj që fjalën që kisha përgatitur, ia vlente ta hidhja ne kosh dhe të mendoja që e nesërmja do jetë me diell, e bukur si kjo ditë 8 Marsi”.
Sa shumë letra e fjalime ke në atë kosh Linda! Ndër to mund të gjesh dhe letrën denoncim që i kam dërguar burrit tuaj. Me dëshpërim zonje, bashkshorte, nëne denoncojë terrorin që drejtorët kriminelë të emëruar prej tij më shkatërruan jetën. Më kërcënuan me dorëheqje me grupe kontrolli, me dhunë psikologjike më larguan nga puna. I kërkova burrit tuaj të më mbronte nga këta banditë drejtorë .
Mirë bëre që e hodhe në kosh. Askujt në atë takim nuk i intereson Ti. Të buzëqeshin e duartrokasin me histeri komuniste, se je gruaja e rradhës e kryetarit të tyre.
Ato nuk të respektojne Ty, ato të qajnë hallin sepse e dinë më mirë se askush se, çfarë heq Ti. Ato e njohin urrejtjen e bashkjetuesit tënd për gruan. Ndofta as Ti vetë nuk doje të dilje në këtë takim. Të detyruan! Të detyroi partia, ose rasti më i keq ka filluar të pëlqejë.
Nëse është kjo e dytë, turp për Ty.Turp për Ty, sepse ka disa gra që po luftojnë me jetën. Ka shumë gra që burri yt i mashtroi, përbuzi, i largoi nga puna, gra që u shkatërroi jetën.
A ke një fjalim për to?
Nëse fjalimin e zonjave të administratës e hodhe në kosh, a ke një fjalim për këto gra, apo të mjaftohemi me faktin se nesër del diell?
Zonja Linda, diellin na e jep Zoti! Uroj mos të hyni në punët e tij. Diellin e kemi falas. Nëse je e egzaltuar nga fjala e Zahos, të sfidoj. Ka zonja të bukura e fisnike që çdo ditë marrin si dhuratë puthjet dhe thënien se, mami i tyre është më e bukura në botë.
Ka zonja shumë të bukura se Ti, jashtë mundësive të tyre, që bëjnë kaq shumë për gra në nevoje. Ka zonja model që po i japin kaq shumë shoqërisë, në fusha të ndryshme.
Ti ku hyn këtu?
Ama si gruaja e kryeministrit e kishe shansin e fundit të kërkojë ndjesë. Ndjesë të fortë për ato zonja që presin shumë nga ju. Ndjesë për të gjitha ato zonja që u shkatërruat jetën, e po ju a shkatërroni nga indiferenca juaj. Ndjesë për ato zonja që nuk mund të dëgjojnë nga fëmijët e tyre, që nuk flasin, sa të bukura janë.
A ke një fjalim për to ?
Të pyes përsëri, sepse Zonja e ish kryeministrit Berisha kujdesej fort për këta fëmijë e nënat e tyre. Për nënat që nuk kanë as ushqim këtë nate, a ke një fjalim zonja Linda ? Ndjese, sa mirë do të ishte të kishe. Ky ishte 8 marsi i fundit që mund ta bëje si gruaja e kryeministrit .
Po lind nje Republike e re, me një kryeministër të ri.
E njoh personalisht zonjën Aurela Basha. Nuk vuan nga deliri i bukurisë. Nuk është zonjë sallonesh. Gjithmonë jam habitur me thjeshtësinë, dhe afrimitetin e saj. Jam e bindur që ka shumë për të bërë, për të gjitha këto zonja anembanë Shqipërisë.
Tell us how can we improve this post?
