SPRINT NEWS ALBANIA

Aktualitet

Nga Flamur Vezaj/ Po ‘Audi’ ku ndodhet?!

Çfarë turpi për Prokurorinë e Krimeve të Rënda dhe prokurorëve që po “hetojnë” dosjen e drogës në Vlorë!! Kanë më shumë se dy vjet që thonë se “po i hetojmë Habilajt dhe nuk po dalin në asnjë vend” dhe nga ana tjetër prokurorëve italianë i dalin në tepsi!!

#Kjo tregon paaftësinë e këtyre prokurorëve ose faktin se këta janë bërë mburojë ligjore për këta individë siç u be për disa vite ish-ministri i Brendshëm që i mori ne mbrojtje edhe publikisht! E nga ana tjetër e degdisi nga Shqipëria në bashkëpunim me Prokurorinë e Krimeve të Rënda denoncuesin e tyre, ish-zyrtarin e policisë, Dritan Zaganin!

Veç njollës së keqe për institucionin e Prokurorisë së Krimeve të Renda, ky rast dëshmoi edhe njëherë se ata që luftojnë e denoncojnë “kokat” e trafikut të drogës në Shqipëri largohen nga puna, kërcënohen, burgosen e “internohen” në emigrim bashkë me familjen!

Po për shkak të evidentimit nga SHISH-i dhe denoncimit në media të rrjetit të drogës që drejtohej nga Habilajt në Vlorë dhe sasisë së bllokuar në atë kohë, ish-ministri i Brendshëm i njohur me nofkën e ngjitur nga doktori si “Sajo Qorri” etiketoi gazetarët si “Fronti i së Keqes” që më pas, kjo shprehje u huazua edhe nga KM që e mbronte në çdo dalje publike!

Por arrestimi i “kushëririt” në Itali tregon edhe njëherë se denoncimet e gazetarëve për lidhjet e pushtetit me trafikantet e drogës nuk ishte një shpikje nga “Fronti i së Keqes” por një e VERTETË e madhe dhe se ish-oficeri i Policisë tashme i larguar nga Shqipëria Dritan Zagani kishte të drejte!

Pas arrestimit të “biznesmenit të specave” në Itali për trafik droge, çfarë rruge do të ndjekë prokuroria?

A do të ketë guximin Prokuroria për Krime të Renda të bllokojë asetet dhe pasurinë e Habilajve në Vlorë?!

A do ta zbatoj në këtë rast ligjin “Antimafia” prokuroria dhe ti bllokoi makinën “Audi” familjes Habilaj, të cilën ia kishte “shitur” ish-ministri Brendshëm.

A do të verifikohen parat që ka marr ish-ministri Brendshëm nga “shitja” e makinës?!! Etj etj…

#bravo_çunave_italian#

#e_vërteta_nuk_vdes_kurr#

Total 0 Votes
0

Tell us how can we improve this post?

+ = Verify Human or Spambot ?