Të shtëna me armë janë shënuar ditën e sotme në Peqin, ku për pasojë një persona ka mbetur i plagosur.
Bëhet me dije se pas një konflikti shtetasi Sokol Dehima ka qëlluar me armë Dielli Çelën 55 vjeç. I plagosuri ndodhet në spital jashtë rrezikut për jetën, ndërsa polica është në kërkim të autorit 52-vjeçar.
Grupi hetimor, në drejtimin e Prokurorisë, po punon për zbardhjen e rrethanave të ngjarjes.
Peqin/Informacion paraprak
Rreth orës 11:10, në spitalin e Peqinit, është paraqitur për të marrë ndihmë mjekësore dhe ndodhet jashtë rrezikut për jetën, shtetasi Diell Çela, 55 vjeç, banues në Peqin, i cili dyshohet se është dëmtuar me armë zjarri, gjatë një konflikti me shtetasin S. D., rreth 52 vjeç, banues në Peqin.
Shërbimet e Policisë kanë ngritur pika kontrolli dhe janë duke kontrolluar territorin, me qëllim kapjen e autorit të dyshuar, shtetasit S. D.
Grupi hetimor, në drejtimin e Prokurorisë, po punon për zbardhjen e rrethanave të ngjarjes.
