SPRINT NEWS ALBANIA

BotaRajoni

“Ne në BE, Suedia në NATO”, Presidenti Erdogan kusht për anëtarësimin e ri

“Së pari, hapni rrugën për Turqinë për t’u anëtarësuar në Bashkimin Evropian dhe më pas ne do të hapim rrugën për anëtarësimin e Suedisë në NATO, ashtu siç bëmë me Finlandën”.

 Ankaraja prej muajsh “mban peng” Stockholmin, duke qenë vendi i vetëm që nuk po e lejon të anëtarësohet në organizatë. Referuar mediave, liderët e dy vendeve priten të takohen, në një përpjekje të fundit për të kapërcyer ngërçin.

Bisedimet e së hënës mes kryeministrit suedez, Ulf Kristersson, dhe presidentit të Turqisë, Erdogn, do të zhvillohen në prag të një samiti të aleancës më të madhe  në kryeqytetin lituanez Vilnius.

Erdogan-i ka shprehur zhgënjime të përsëritura me atë që ai e quan dështimin e Suedisë për të larguar militantët e dyshuar kurdë që dyshohet se “bredhin rrugët” e Stokholmit.

Qëndrimi kreut të shtetit turk po mbështetet nga kryeministri i Hungarisë, Viktor Orban. Të dy vendet mbeten të vetmet anëtarë të NATO-s që ende qëndrojnë në rrugën e ratifikimit unanim të nevojshëm që Suedia të bëhet anëtarja e 32-të e bllokut.

Total 0 Votes
0

Tell us how can we improve this post?

+ = Verify Human or Spambot ?