Janë arrestuar këtë të enjte 7 shtetas dhe janë sekuestruar rreth 5.6 kilogramë lëndë e dyshuar narkotike kanabis në Shkodër.
Mësohet se në pranaga kanë rënë: Pjetër Ashta, 62 vjeç dhe Dodë Ashta, 33 vjeç (babë e bir), pasi gjatë kontrollit në banesën e tyre janë gjetur rreth 5.6 kg lëndë e dyshuar narkotike kanabis.
“Gjatë operacionit policor “Bleran” u arrestuan në flagrancë shtetasit P. A., 62 vjeç dhe D. A., 33 vjeç (babë e bir), banues në fshatin Bardhaj, pasi gjatë kontrollit në banesën e tyre janë gjetur rreth 5.6 kg lëndë e dyshuar narkotike kanabis, e cila u sekuestrua në cilësinë e provës materiale, së bashku me 2 aparate celulare”, njofton policia.
Po ashtu blutë bëjnë me dije se në pranga kanë rënë shtetasit Artilas Vuksani dhe Emiljan Vuksani,, të dy 19 vjeç, Robert Pepniku 26 vjeç dhe Robert Preka., 22 vjeç, të katërt banues në Shkodër dhe Rajmond Kola., 22 vjeç, banues në Golem.
“Gjatë operacionit policor të koduar “Sheshi”, u arrestuan në flagrancë shtetasit: A. V. dhe E. V., të dy 19 vjeç, R. P., 26 vjeç dhe R. P., 22 vjeç, të katërt banues në Shkodër dhe R. K., 22 vjeç, banues në Golem, pasi shërbimet e Policisë, në afërsi të sheshit ”Prek Cali”, kanë ushtruar kontroll në automjetin me të cilin qarkullonin këta shtetas dhe si rezultat kanë gjetur një sasi lënde të dyshuar narkotike kanabis, të përgatitur gati për shitje”, njofton policia.
Nga veprimet hetimore dyshohet se këta shtetas ushtronin aktivitetin kriminal të shpërndarjes së lëndëve narkotike në doza, në qytetin e Shkodrës. Materialet i kaluan Prokurorisë, për veprime të mëtejshme.
