Gjidhënia parandalon 1.5 mln vdekje foshnjore

Shendet

Ushqyerja me gji rrit shëndetshëm fëmijët, duke i mbrojtur nga shumë sëmundje infektive.

Gjithashtu kjo formë ka ndikim të mirë edhe te shëndetit i nënës për të kaluar me lehtë periudhën e paslindjes.

Ushqyerja me gji parandalon 1.5 milionë vdekje foshnjore në botë.

Mjekja pediatre Evgjeni kaçi, thotë se qumështi i nënës e mbron fëmijën nga shumë sëmundje infektive dhe i forcon imunitetin.

“E ndihmon shumë fëmijën për të ruajtur dhe pjekur sistemin imunitar, për të mos u prekur nga shumë sëmundje infektive apo të traktit respirator. Parandalon 1.5 milionë vdekje.”

Jo vetëm për fëmijën, por ushqyerja me gji ndihmon edhe nënën duke ia bërë më të lehtë përballimin e periudhës së pas lindjes.

“Nëse nëna nuk boshatis gjinjtë, do të ketë rënie të masës së qumështit ose infektim dhe kontaminim nga çarjet.”

Rreth 95% e nënave i ushqejnë fëmijët në këtë mënyrë, por një pjesë e konsiderueshme e tyre nuk mund ta ofrojnë këtë më shumë se 6 muaj.

“E mira është që 6 muajt e parë ta ushqejnë vetëm me gji.”

Qumështi formulë është një zgjidhje, por ende nuk ka një kompani që të ketë realizuar ngjashmërinë totale me produktin natyral.

“Nuk ka ndodhur që një laborator të jetë i barabartë me qumështin e nënës.”

Qumështi i gjirit mund të ruhet deri në 6 muaj në kushte frigoriferike, në mënyrë që fëmija ta marrë sa më gjatë këtë produkt. /Ora News

Total 0 Votes
0

Tell us how can we improve this post?

+ = Verify Human or Spambot ?