Media serbe “masakron” kombëtaren e vetë: Na eleminoi përsëri Granit Xhaka!

Sport

“Po e përfundoj këtë tekst pas pesë të mëngjesit me orën e Katarit, dhe me një shije të hidhur në gojë dhe pagjumësi, nuk mund të largohemi nga mallkimi që na ndjek me dekada – të gjithë luajnë futboll dhe të gjithë mund ta mposhtin të gjithë, vetëm Serbia nuk mund të mundë askënd.”

Kështu shkruan drejtuesi i medias serbe “B92” në një artikull të gjatë që analizon humbjen e mbrëmshme të Serbisë dhe lojën e shqiptarëve të Zvicrës. Për çudi, në këtë shkrim redaksional, Granit Xhaka dhe Xherdan Shaqiri vlerësohen nga një media serbe.

Newsbomb.al sjell disa pasazhe nga artikulli i “B92” me titull: “Serbia në një kontejner!” Trajneri i ekipit kombëtar Dragan Stojković, njohur dhe me nofkën Piksi, është masakruar bashkë me lojtarët e ekipit kombëtar, për shkak të nivelit të dobët të lojës dhe zëvendësimeve, sipas medas të pamenduara.

Artikulli ne median serbe B92

“Si fillim, pse del Dushan Vlahoviqi jashtë në minutën e 55-të? Pas ndeshjes ai na tha se ishte gati, se mund të luante akoma. Ai shënoi një gol – pse të hiqni një nga lojtarët më të mirë kaq herët? Vetëm 13 minuta më vonë u largua nga loja Sergej Milinković-Savić, një njeri që luajti krejtësisht jashtë pozitës së tij natyrale dhe ishte absolutisht i paefektshëm.”

Po ashtu, autori i shkrimit kritikon dhe lojtarët, kur thotë se ata nuk kanë qenë në formë që në fillim të kompeticionit, ndaj më mirë të mos shkonin fare në Katar.

“Në fakt, skuadra e Pixie pothuajse u dorëzua në minutën e 60-të, kur tashmë ishte e qartë se në çfarë drejtimi po shkonte. Dhe kjo dhemb më së shumti. Pafuqia. Shumë lojtarë tashmë ishin jashtë pozicioneve të tyre dhe pas këtyre ndryshimeve u çorientuan edhe më shumë dhe përjetuan shembjen e sistemit.

Pixie mund të fajësohet për shumë gjëra, përfshirë edhe faktin që lojtarët ishin të papërgatitur, e cila është një alibi që ai përdorte shpesh gjatë kampionatit. Sigurisht, edhe pas eliminimit. Nuk është ende e qartë për ne, pse ata lojtarë shkuan në kampionat në radhë të parë, nëse ai pretendonte se do të luanin vetëm më të përgatiturit?”

Granit Xhaka perballe lojtareve serb

Ajo që mediat serbe dhe gjithë kombi atje nuk përtypin dot, është fakti se eleminimi ju erdhi përsëri nga shqiptarët, për herë të dytë. Në disa radhë të artikullit që sjell në shqip newsbomb.al, autori thotë se më të dhimbshëm eleminimin e bën fakti se kjo ka ardhur nga Xhaka.

“Dhe ajo që është ndoshta më e dhimbshme, ne u nokautuam sërish nga Đerdan Šaćiri dhe Granit Xhaka. Politika mënjanë, por këta djem treguan se si të luanin lojëra nën presion të madh”, vijon shkrimi, teksa mbi një foto të dy shqiptarëve Xherdan Shaqiri e Granit Xhaka, shkruhet:

“Ndërsa tanët u dogjën në dëshirën për të festuar për disa festime të lashta golash, këta të dy (i referohet Shaqirit dhe Xhakës, si në foton më poshtë) thjesht i lanë “shqiponjat” të skuqen si në tigan dhe t’i servirin vetë sipas dëshirës. Me ëmbëlsirë.”

Shqiri dhe Xhaka, ne median serbe

Në këtë artikull redaksional të “B92”, serbët e identifikojnë veten dhe lojtarët e ekipit si “shqiponja”, ndaj dhe më sipër thuhet se Shaqiri dhe Xhaka “i skuqën shqiponjat tona si në tigan”.

Pra, nuk ka lidhje me shqiponjat tona që edhe në mes të Katarit e treguan veten, pavarësisht se luajnë për një kombëtare tjetër si Zvicra. Shaqiri dhe Xhaka e kishin gjetur mënyrë origjinale për të festuar, në kushtet kur FIFA i kishte paralajmëruar për ndëshkim nëse bënin simbolin e shqiponjës dykrenare me duar. Ata e bën trup dhe duar, shkruan newsbomb.al.

Total 2 Votes
0

Tell us how can we improve this post?

+ = Verify Human or Spambot ?