Kryemadhi për Elona Gurin/ Ajo është grua dinamit

Aktualitet Politike

Pak dite me pare në emisionin “Open” në Top Channel te Eni Vasilit, u fol për betejën elektorale në 12 qarqe. Të ftuar në studio ishin Plarent Ndreca, Iris Luarasi, Enton Abilekaj dhe Agron Gjekmarkaj.

Kur u permend për zonën e Durrësit, pedagogia Iris Luarasi e cila është e ashpër( duhet thene se Irisi jo pak here ka shprehur edhe hapur mbeshtetjen per te majten) dhe kritike me të gjithë, u shpreh se një emër që nuk duhet nënvlerësuar është edhe Elona Guri, e cila është drejtuese politike e LSI-së në Durrës nga Monika Kryemadhi si njeriun me te besuar te saj.

Emri i Gurit është përmendur edhe në videon e famshme që Edi Rama bëri sëbashku me Lefter Kokën, ku ftonte Nasip Naccon që t’i bashkohej Partisë Socialiste.

Nuk duhet neglizhuar Elona Guri, është një emër që di të organizojë fushata të suksesshme-perfundoi fjalen e saj, Luarasi!

Kjo përmendje e saj në video nuk do lihet pa komentuar edhe nga kryetarja e LSI-së, Monika Kryemadhi e cila do të shprehej:

“Po ta shikosh për sa i përket përfitimit, është partia e Lefterit dhe Nasipit, njerëz që vijnë nga hiçi politik dhe pastaj bëhen ministra, pastaj ikin në muajt e fundit nga LSI te PS-ja sepse ka vendosur LSI-ja t’i zëvendësojë me Elona Gurin. Ky ishte pretendimi i zotit Kok. E para mos e përmendni emrin e Elona Gurit në narrativë, sikur Elona Guri është një njeri i thjeshtë. Elona Guri është nënë e dy fëmijëve, është me shkollë të lartë. Ka kapacitet organizativ. Për mua duhet të ishte në Parlament shumë kohë më parë…Unë po t’i futem pazareve të atyre që duan të merren me politikë, Gjykata e Hagës nuk do të kishte më vend për këta kundër krimeve të njerëzimit. Ajo që dua të theksoj është që me delegimin e zonjës Guri në Durrës, LSI-ja vetëm 3 javët e para të shtatorit, nga një strukturë që më parë drejtohej nga zotëria, vajti 26%. Dhe faktikisht ditën që u diplomua zonja Guri, zoti Rama doli dhe përgënjeshtroi mesazhin e tij, që unë nuk do të kandidoj në Durrës, por në Vlorë. Ditën që Elona Guri është bërë koordinatore politike e qarkut të Durrësit, Edi Rama ka thënë nuk kandidoj në Durrës. Ajo është grua dinamit. Është e vërtetë dhe reale, verifikojeni. Shikojeni intervistën në gusht të Edi Ramës”./kryefjala/