Noka uron Péter Magyar për fitoren ndaj Orbán: U lejua rotacioni politik

Sekretari i Përgjithshëm i Partisë Demokratike, Flamur Noka, ka reaguar pas zhvillimeve të fundit politike në Hungari, duke uruar liderin e opozitës Péter Magyar për fitoren përballë kryeministrit Viktor Orbán.

“Urime Z. Péter Magyar dhe partisë #TISZA të Qendrës së Djathtë për fitoren e sotme dhe triumfin mbi autokracinë! I shumëanatemuari Viktor Orbán lejoi rrotacionin politik. Hungarisë iu deshën 16 vjet për këtë”, shprehet Noka në reagimin e tij.

Fitorja e opozitës në Hungari shënon një kthesë historike, pasi vjen pas një periudhe të gjatë dominimi politik nga Orbán, i cili ka qenë një nga figurat më të forta dhe më të diskutuara në politikën evropiane gjatë dekadave të fundit.