”Blushi: Burgjet janë mbushur me të pafajshëm, kri*minelët enden të lirë

Sekretari i Përgjithshëm i PL, Ted Blushi, theksoi se burgjet në Shqipëri janë mbushur me qytetarët ë pafajshëm, kurse sipas tij, kriminelët enden të lirë.

 

Blushi tha se mbipopullimi i burgjeve është dëshmi e një shteti policor.

 

Sot burgjet janë mbushur me të pafajshëm, ndërsa kriminelët janë të lirë. Sot dënohesh për 1 cigare hashash, por jo për 1 maune me drogë.
Sot dënohesh për një kotec pa leje por jo për një kullë pa leje.

Kërkesat e Prokurorisë për arrest me burg po shkatërrojnë jetë njerëzish. Vullneti juaj për të kërkuar arrest me burg për lidhje të paligjshme të energjisë elektrike ka çuar në vetëvrasje brenda burgjeve.

Kanë humbur jetën në burg për 35 mijë lekë të vjetra të papaguara për OSSHE. A ndiheni fajtor Z. Kryeprokuror që i keni shërbyer instalimit të një regjimi represiv që është i ashpër me të dobtit dhe i butë me të fortit.”, tha Blushi.