Beteja e fituar e Grupit Parlamentar të PD-së për 30 mijë profesionistë të lirë
Beteja e fituar e Grupit Parlamentar të PD-së për 30 mijë profesionistë të lirë
Marash Logu
Në datën 30 mars 2023, mazhoranca socialiste miratoi ligjin e ri për tatimin mbi të ardhurat që parashikonte tatimin e profesionistëve të lirë me të ardhura 14 milionë lekë në vit në masën 15%, duke filluar nga 1 janari 2024. Në datën 28 shkurt 2024, Grupi Parlamentar i PD-së iu drejtua Gjykatës Kushtetuese duke kërkuar shfuqizimin e tatimit 15% për 30 mijë profesionistë të lirë. Në datën 27 qershor 2024, Gjykata Kushtetuese vendosi pranimin e kërkesës së deputetëve të PD-së dhe shfuqizimin e tatimit antikushtetues dhe diskriminues të profesionistëve të lirë (foto 1). Në datën 17 shtator 2024, deputetët Gazment Bardhi dhe Jorida Tabaku, në emër të Grupit Parlamentar të PD-së, propozuan kthimin e shumave të paguara padrejtësisht nga profesionistët e lirë dhe zerimin e detyrimeve për ata që nuk kishin kryer pagesat (foto 2). Në datën 27 nëntor 2024, qeveria miratoi aktin normativ që sanksionon kthimin e 5 milionë euro për 6450 profesionistë të lirë dhe fshirjen e detyrimeve për ata që nuk kishin paguar akoma brenda 30 dhjetorit 2024 (foto 3).Në këtë betejë, Grupi Parlamentar i PD-së bashkëpunoi ngushtësisht me Aleancën e Profesionistëve të Lirë, Dhomën e Avokatisë, Kontabilistët dhe Audituesit Ligjorë, duke ia dalë të zhbëjë padrejtësinë ndaj 30 mijë profesionistëve të lirë, shtresës më të arsimuar, më të kualifikuar dhe më premtuese për një të ardhme më të mirë për Shqipërinë!
Total 0 Votes
0
0