Uragani “Milton” në Florida! Përmbytje masive dhe 2 milion shtëpi pa energji, regjistrohen viktima

“Uragani Milton i kategorisë jashtëzakonisht i rrezikshëm arrin në tokë”, thuhet në përditësimin e agjencisë, duke paralajmëruar për një rritje stuhie kërcënuese për jetën dhe përmbytje të shpejta që ndodhin mbi gadishullin qendror të Floridës.

Milton po fryn me erëra deri në 120 mph (205 km/h) dhe po lëviz në veri-lindje. Ekspertët në NHC thonë se pritet të ngadalësohet në mënyrë të konsiderueshme, por ndërkohë ka paralajmërime “kërcënuese për jetën” për stuhi, erë dhe përmbytje.

“Ne patëm tornado të shumta që prekën këtë komunitet dhe ne kemi humbur disa jetë. Është shkatërruese. Asnjë fjalë nuk mund ta përshkruajë atë,” thotë Sherifi i Qarkut St Lucie, Keith Pearson, teksa nuk dha detaje.

Shërbimi Kombëtar i Motit ka lëshuar një paralajmërim për përmbytje të menjëhershme, niveli më i lartë i paralajmërimit.

Numri i ndërprerjeve të energjisë vazhdon të rritet. Mbi 2 milionë shtëpi dhe biznese kanë humbur energjinë në të gjithë Florida.