SPRINT NEWS ALBANIA

Bota

Senati amerikan miraton projektligjin që mund të ndalojë TikTok

Masa u miratua si pjesë e një pakete prej katër projektligjesh që përfshinin gjithashtu ndihmën ushtarake për Ukrainën, Izraelin, Tajvanin dhe partnerët e tjerë të SHBA-së në rajonin Indo-Paqësor.

Projektligji do t’i dorëzohet presidentit Joe Biden, i cili ka thënë se do ta nënshkruajë atë sapo të arrijë në tryezën e tij. ByteDance tha për BBC se nuk kishte një përgjigje të menjëhershme për këtë veprim. Më parë, firma ka thënë se do të kundërshtonte çdo përpjekje për ta detyruar atë të shesë TikTok.

Nëse SHBA është e suksesshme në detyrimin e ByteDance për të shitur TikTok, çdo marrëveshje do të kishte ende nevojë për miratim nga zyrtarët kinezë, por Pekini është zotuar të kundërshtojë çdo lëvizje të tillë. Analistët thonë se procesi mund të zgjasë vite.

“Për vite me radhë ne kemi lejuar partinë komuniste kineze të kontrollojë një nga aplikacionet më të njohura në Amerikë, që ishte jashtëzakonisht dritëshkurtër. Një ligj i ri do t’i kërkojë pronarit të tij kinez të shesë aplikacionin. Ky është një veprim i mirë për Amerikën,” tha senatori Marco Rubio, republikani më i lartë në Komitetin e Inteligjencës.

Frika se të dhënat për miliona amerikanë mund të bien në ‘duart’ e Kinës kanë nxitur përpjekjet e Kongresit për të ndarë TikTok nga kompania me bazë në Pekin.

Javën e kaluar, kompania e mediave sociale tha se projektligji do të “shkelë të drejtat e fjalës së lirë të 170 milionë amerikanëve, do të shkatërrojë shtatë milionë biznese dhe do të mbyllë një platformë që kontribuon me 24 miliardë dollarë në ekonominë amerikane, çdo vit”.

Total 0 Votes
0

Tell us how can we improve this post?

+ = Verify Human or Spambot ?