Qeveria Mitsotakis i mbijeton mocionit të mosbesimit në parlament
Ashtu siç pritej qeveria Mitsotakis i ka mbijetuar mocionit të mosbesimit në parlament pasi 158 deputetët e grupit parlamentar të konservatorëve në fuqi dhe 1 deputet tjetër nga opozita e kanë hedhur poshtë.
Lideri i socialistëve grekë të Pasokut dorëzoi dy ditë më parë në parlament mocionin e mosbesimit ndaj qeverisë Mitsotakis të nënshkruar edhe nga tre parti të tjera opozitare, Syriza, e Majta e Re dhe Lundrimi i Lirisë.
Nga ana e saj edhe partia më e madhe opozitare Syriza, nëpërmjet liderit të saj Stefanos Kasselakis, i ka bërë thirrje kryeministrit Mitsotakis të japë dorëheqjen në mënyrë që vendi të shkojë në zgjedhje të parakohëshme me praninë e vëzhguesve ndërkombëtarë. Deklaratës i është përgjigjur zëdhënësi i qeverisë duke thënë se kreu i opozitës, minοn shtetin dhe demokracinë greke që ka 50 vjet që kryen zgjedhje të lira.