Drejtues dhe deputetë të PD sot në Kavajë
Flamur Noka, Bardhi, Bylykbashi, Isuf Celaj, Zheni Gjergji, Gjekmarkaj, Belind Kellici, kryetari i Bashkise dhe drejtues te PD dega Kavaje, kane perkujtuar diten e sotme si dita ku në Kavajë u zhvillua demonstrata e parë antikomuniste në sheshet dhe rrugët e këtij qyteti.
FJALA E PLOTE E KRYETARIT TE DEGES-KAVAJE, Hysen Kadiu:
Çdo qyteti përgjatë zhvillimit, mund t’i duhen dekada, qoftë edhe shekuj për të krijuar identitetin e tyre.
26 Marsi 1990 është dita, e cila e ka lidhur pazgjidhshmërisht, identitetin e qytetit të Kavajës me një nga ngjarjet më të rëndësishme në rrugëtimin shekullor të shtetformimit të vendit tonë, me vendosjen e gurit të parë në themelin e demokracisë Shqiptare.
Tradita antikomuniste e Kavajës dhe dy gishtat lart të fitores janë amanetet që u ngjizën në djepin e lirisë dhe që sot krenarisht janë identiteti i Kavajës së Demokracisë. Traditë të cilën Kavajasit i ruajnë me fanatizëm!
Mirënjohje të thellë nënave dhe baballarëve Kavajas që sollën shpresën dhe ngrohtësinë e pranverës në çdo familje Shqiptare! 
Përjetë të lirë, përjetë demokratë! 
Total 0 Votes
0
0