Rasti ‘Qyno’: Gjykata e OKB-së bllokon çdo veprim të SPAK

Gjykata e të Drejtave të Njeriut pranë Selisë së Organizatës së Kombeve të Bashkuara në Gjenevë të Zvicrës ka dalë me një vendim lidhur me veprimet e SPAK dhe GJKKO-së ndaj gazetarit Elton Qyno.

Komiteti i gjyqtarëve ndërmori një masë pezulluese duke detyruar Prokurorinë e Posaçme të përmbahet dhe ndalojë kryerjen e çdo veprimi apo inspektimi, shpërndarje ose përpunimi gjyqësor të mëtejshëm të materialit të sekuestruar ndaj gazetarit Elton Qyno.

Komiteti i gjyqtarëve shprehet se ndërkohë çështja e rastit Qyno është regjistruar pranë gjykatës së OKB-së dhe aktualisht është në shqyrtim nga ana e komitetit.

Përmes këtij vendimi të marrë nga gjykata më prestigjioze e Kombeve të Bashkuara në Gjenevë, SPAK detyrohet të mos prekë dhe të mos hapë apo qoftë dhe të ekspertojë pajisjet e punës, familjare dhe dokumentet e sekuestruara tek banesa, makina dhe të vendi i punës i gazetarit Elton Qyno.

Kjo është një masë e qartë parandaluese që frenon prokurorët e SPAK të hapin pajisjet dhe kontrollojnë çdo material të sekuestruar tek gazetari.

Madje edhe për materialet që ka mundur t’i aksesojë SPAK, komiteti i gjyqtarëve shprehet se prokuroria nuk mund t’i përdorë vetë dhe as t’i shpërndajë apo t’i bëjë pjesë të ndonjë përpunimi gjyqësor.

Komitetit qartëson se rastin Qyno do e ndjekë në vijim duke lënë afate konkrete ndaj shtetit Shqiptar, për të dhënë prapësime ndaj këtij rasti.