Ervis Martinaj është një nga personat më të shumëkërkuar nga drejtësia shqiptare. Mbreti i kazinove rezulton i zhdukur që prej gushtit të vitit 2022, ndërsa aludimet rreth zhdukjes së tij janë të shumta.

Sakaq nuk ka ende asnjë gjurmë nga ai. Disa aludojnë se i shumëkërkuari ka vdekur. Ndërkaq JOQ ka publikuar sot pamjet nga hera e fundit që Ervis Martinaj është kapur nga kamerat e sigurisë.

LEXO EDHE: Apartamente dhe mijëra m2 tokë, pasuritë e kunatit të Vis Martinaj i kalojnë shtetit

Video daton më 7 gusht 2022, një ditë para se Martinaj të zhdukej. Siç duket në video, Martinaj shkon në shtëpinë e partneres së tij me një qese me ushqime në dorë dhe pret ashensorin, teksa flet me mesazhe ne telefon.

Më pas ai del me shpejtësi nga shtëpia e te dashurës dhe largohet me makinën “Benz”, e cila u gjet i braktisur në rrugën e Kombit.