Autoriteti Kombëtar i Ushqimit ushtron kontrolle në të gjithë territorin për sigurinë ushqimore në vend.
Gjatë kontrolleve të ushtruara në Durrës, Elbasan dhe Kukës, janë konstatuar parregullsi në tre subjekte: “njësi prodhimi dhe përpunimi të qumështit dhe nënprodukteve të tij”, “Restorant me produkte mikse” dhe “Njësi tregtimi të produkteve ushqimore”.
Në njërin nga subjektet referuar raport provës së produktit qumësht i freskët, është bllokuar një sasi qumështi me destinacion asgjësimin si ushqim i pasigurt dhe është marrë masë administrative e ndërprerjes së pjesshme së veprimtarisë prodhuese të produktit të qumështit të freskët, ndërsa në dy subjektet e tjera janë konstatuar, mungesë e dokumentacionit në sistemin e vetëkontrollit HACCP dhe mangësi në etiketim.
AKU në prag të festave të fundvitit, thotë ka intensifikuar edhe më tej kontrollet për të mbrojtur shëndetin e konsumatorëve.