ELBASAN– Zjarret në muajin Gusht dhe Shtator kanë vijuar në disa zona të vendit. Një rast i fundit është shënuar në Elbasan në fshatin Hajdaraj ku një 67 vjecar me inicialet Xh.T është ndaluar për zjarrvënie.
I moshuari ka djegur disa mbeturina në pronën e tij ku më pas flaëkt kanë përfshirë dhe sipërfaqe të tjera frutore në pronësi të shtetasve përreth.
NJOFTIMI I POLICISË:
Shtetasi Xh. T. dyshohet se ka ndezur zjarr në tokën në pronësi të tij, për djegien e disa mbeturinave, dhe si pasojë e përhapjes së flakëve, janë djegur disa sipërfaqe toke me pemë frutore dhe me shkurre, në pronësi të shtetasve të tjerë. Drejtoria Vendore e Policisë Elbasan apelon për qytetarët që në asnjë rast të mos ndezin zjarre, pasi ky veprim përbën krim dhe ndëshkohet penalisht, si dhe i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe procedimin penal të shtetasve përgjegjës.
Tell us how can we improve this post?
