Dy të rinj nga Peqini marrin peng vajzën 17 vjeçe

Aktualitet

Dy të rinj nga Peqini janë arrestuar nga Shërbimet e Policisë së Kavajës, pasi kanë marrë një peng një vajzë 17 vjeçe dhe e kanë dhunuar fizikisht. Policia njofton se sapo është sinjalizuar, ka ndërhyrë në kohë dhe ka shpëtuar të renë.

Të arrestuarit akuzohen për veprat penale “Heqja e paligjshme e lirisë”, “Kanosja” dhe “Plagosja e lehtë me dashje”, të kryera në bashkëpunim. Materialet në ngarkim të tyre i kaluan Prokurorisë, për veprime të mëtejshme procedurale.

“Shërbimet e Komisariatit të Policisë Kavajë, pas marrjes së njoftimit nga qytetarët se dy shtetas i kishin hequr lirinë një shtetaseje, menjëherë kanë organizuar punën për kapjen e autorëve të dyshuar. Falë veprimeve profesionale policore nga specialistët për Hetimin e Krimeve në Komisariatin e Policisë Kavajë, janë arrestuar në flagrancë, në një kohë rekord, shtetasit:

– A. D., 23 vjeç, banues në Peqin, për veprat penale “Heqja e paligjshme e lirisë”, “Kanosja” dhe “Plagosja e lehtë me dashje”, të kryera në bashkëpunim;

– A. H., 18 vjeç, banues në Peqin, për veprat penale “Heqja e paligjshme e lirisë”, “Kanosja”, “Plagosja e lehtë me dashje”, të kryera në bashkëpunim dhe “Prodhimi, mbajtja, blerja apo shitja pa leje e armëve të ftohta”.

Këta shtetas, në bashkëpunim me njëri-tjetrin, ditën e djeshme, i kanë hequr lirinë një shtetaseje 17 vjeçe, duke e mbajtur në një ambient që aktualisht nuk është në përdorim, si dhe kanë ushtruar dhunë ndaj saj. Gjatë kontrollit fizik ndaj shtetasit A. H., shërbimet e Policisë gjetën dhe sekuestruan, në cilësinë e provës materiale, një dorezë metalike (përforcues grushti)”, njofton Policia.

Total 0 Votes
0

Tell us how can we improve this post?

+ = Verify Human or Spambot ?