IKE MOSHË -Poezi nga Maliq Torra

Poezi
IKE MOSHË
Ike moshë , ike !
Pse ike kaq shpejt ?
Në majë më ngjite ,
Tatpjetë më rrëshqet .
Më rrëshqet tatpjetë .
Tatpjetë rrokullimë .
Një humnerë e fshehtë ,
Në hyrje një vrimë .
Unë s’jam orakull ,
Ta shoh ardhmërinë ,
Po të ftohtë akull ,
E ndjej pleqërinë .
Ja , një plak i shkretë ,
Afër s’ka një shok ,
Paska mbetur vetëm ,
Dhe gjysma ulok .
Kush t’i japë një dorë ?
Përqark s’ka njeri .
Malet hodhën borë .
I vetëm mbërdhi .
Eh , moj pleqëri ,
Mallkuar lanete ,
Nuk të do njeri .
Secili për vete !
Ja , ç’është pleqëria ,
Për të gjithë fat ,
Ndodh që dhe fëmija ,
Dorën nuk ta zgjat .
Kush s’e çmon rininë ,
Jetën s’ka jetuar .
Dhe mendë i vinë ,
Veç kur është moshuar !
SHKULME ZEMRE
( Ta duam Kombin e jo veten përpara Kombit )
A nuk e dinë këta rob pervesë ,
Ç’i kanë bërë Truallit Shqiptar ?
E kanë ndarë në llomka e pjesë ,
Historikisht vrarë , djegur në zjarr .
Lëngojnë në shekuj këto Troje .
U dyndën çezarë , edhe sulltanë .
Prerë krahë e këmbë kësaj Zonje .
Për ngjizje t’i ndërronin babanë !
Oh , moj e coptuara nëpër mote ,
Trupi të lëngon e të rrjedh gjak !
Hasmërve s’iu dorëzove zotrote ,
Po nga të tutë re shpesh në lak .
Të tutë që vetquhen shqiptarë ,
Po gjakun e kanë helm e shafran ,
Më keq se i huaji të kanë ndarë .
Për ta s’ke vlerë si truall e vatan .
Për ta je mall , kthyer në çifligje .
(Historikisht njohur denbabaden )
Ata , hasmin ta sjellin në pragje .
Kombi dhe Vatani për ata s’vlen !
MOJ BALUKE PRERA
( Lirikë për çdo moshë )
Ah , moj ah , baluke prera ,
Pse më bën të flas me vete ?
Të trokas , s’më hapet dera .
S’kam moshë më për derte !
S’mbaj derte , më iku mosha .
Si nuk paske shpirtit mëshirë ?
Kam dashur po dot s’të thosha ,
S’më erdhi rasti kurrë m’i mirë !
Dhe ja tani , moj baluke prera ,
Duke shkuar sytë m’i hedh .
Je më e bukura nga çka të tjera .
Mendimet në lëmsh m’i mbledh .
Unë po qaj moshën që m’iku ,
M’iku , llafet dot s’t’i thashë !
Plakja s’fshihet me gjethe fiku .
Thëngjill që s’të kap me mashë .
Në më daltë një ditë shpirti ,
Dije , do më dalë prej teje !
Unë s’ringjallem sikur Krishti .
S’do kem gjak , po helm në deje .
Total 0 Votes
0

Tell us how can we improve this post?

+ = Verify Human or Spambot ?