DASH: Ja pse e shpallëm “non grata” Berishën.

Aktualitet

Departamenti Amerikan i Shtetit, ka reaguar për gazetën “SOT”, pas përgjigjes së ish-kryeministrit Berisha, i cili deklaroi se nuk është i përfshirë në afera korruptive. Të mërkurën Uashingtoni shpalli “non grata” ish-kryeministrin, me pretendimin se ai ka përdorur pushtetin për të pasuruar veten, familjen dhe aleatët. Berisha si dje ashtu dhe pardje i mohoi akuzat. Gazeta iu drejtua me një e-mail një prej zëdhënësve të DASH duke i drejtuar këtë pyetje: “Z. Berisha, në një reagim në Facebook mohoi pretendimet e Departamentit të Shtetit se ai është i përfshirë në korrupsion. A keni ju prova që ish-kryeministri është i përfshirë në korrupsion dhe ka përdorur pushtetin e tij për të pasuruar familjen e tij”. DASH në përgjigjen për gazetën shprehet se Sekretari Blinken, para se të ndërmerrte këtë veprim ka marrë në dorë informacione tepër të besueshme që vërtetojnë përfshirjen e ish-kryeministrit në korrupsion. “Sekretari i Shtetit ka informacion të besueshëm se Berisha ishte përfshirë në korrupsion të rëndësishëm, veçanërisht gjatë shërbimit të tij si Kryeministër i Shqipërisë. Ky korrupsion minoi shtetin e së drejtës dhe besimin e publikut shqiptar në institucionet, proceset dhe zyrtarët e qeverisë së tyre”, shprehet DASH. Më tej në reagimin e tij, zëdhënësi i DASH shprehet se gjithë këto vite ka pasur raportim të vazhdueshëm për përfshirjen e Berishës në afera korrupsioni. Madje, ai shprehet se bëmat e ish-kryeministrit vijojnë të bëjnë jehonë edhe sot, jo vetëm në Shqipëri, por edhe në rajon. “Korrupsioni i Berishës është raportuar gjerësisht në raportimin lokal, rajonal dhe ndërkombëtar të OJQ-ve dhe shtypit, si dhe në hetimet që lidhen me përpjekjet e qeverisë antikorrupsion të qeverisë shqiptare. Ai është i njohur gjerësisht që ka përdorur fuqinë e tij për përfitimet e tij, për të pasuruar aleatët e tij politikë dhe anëtarët e familjes së tij në kurriz të besimit të publikut shqiptar në institucionet e tyre qeveritare dhe zyrtarët publikë. Për më tepër, retorika e tij, kur veprimtaritë e tij të raportuara janë vënë nën hetim ose vëzhgim, ka treguar se ai është i gatshëm të mbrojë veten, anëtarët e familjes së tij dhe aleatët e tij politikë në kurriz të hetimeve të pavarura, përpjekjeve antikorrupsion dhe llogaridhënies. Veprimet korruptive të Berishës vazhdojnë të bëjnë jehonë edhe sot në Shqipëri dhe në të gjithë rajonin”, shprehet DASH.

Emra të tjerë të rrezikuar

Një tjetër pyetje që gazeta “SOT” i drejtori DASH ishte nëse do të ketë edhe persona të tjerë që mund të shpallen të padëshiruar. Në përgjigjen e tij zëdhënësi i DASH e lë të hapur mundësinë, duke thënë se nëse ka dyshime atëherë do të merren masa. “Kur Sekretari i Shtetit merr informacion të besueshëm se një zyrtar është përfshirë, drejtpërdrejt ose indirekt, në korrupsion të rëndësishëm ose një shkelje të rëndë (të shpifur) të të drejtave të njeriut, Sekretarit i kërkohet të caktojë ose identifikojë atë zyrtar dhe anëtarët e familjes së tij të ngushtë sipas nenit 7031 (c) qoftë publikisht ose privatisht. Departamenti i Shtetit do të vazhdojë të përdorë këtë autoritet dhe të gjitha mjetet në dispozicion për të luftuar korrupsionin globalisht. Në varësi të rrethanave të veçanta, disa emërtime bëhen publikisht, ndërsa të tjerët bëhen privatisht”, shprehet DASH për gazetën “SOT”.

Ja reagimi i plotë i DASH për gazetën “SOT”

Faleminderit për kërkesën tuaj për të marrë informacion në Departamentin e Shtetit në lidhje me përcaktimin e fundit. Më poshtë gjeni përgjigjet për pyetjet tuaja.

– Z. Berisha, në një reagim në Facebook mohoi pretendimet e Departamentit të Shtetit se ai është i përfshirë në korrupsion. A keni ju prova që ish-kryeministri është i përfshirë në korrupsion dhe ka përdorur pushtetin e tij për të pasuruar familjen e tij?

Sekretari i Shtetit ka informacion të besueshëm se Berisha ishte përfshirë në korrupsion të rëndësishëm, veçanërisht gjatë shërbimit të tij si Kryeministër i Shqipërisë. Ky korrupsion minoi shtetin e së drejtës dhe besimin e publikut shqiptar te institucionet, proceset dhe zyrtarët e qeverisë së tyre. Korrupsioni i Berishës është raportuar gjerësisht në raportimet lokale, rajonale dhe ndërkombëtare të OJQ-ve dhe shtypit, si dhe në hetimet që lidhen me përpjekjet antikorrupsion të qeverisë shqiptare. Ai është i njohur gjerësisht që ka përdorur fuqinë e tij për përfitimet e tij, për të pasuruar aleatët e tij politikë dhe anëtarët e familjes së tij në kurriz të besimit të publikut shqiptar në institucionet e tyre qeveritare dhe zyrtarët publikë. Për më tepër, retorika e tij, kur veprimtaritë e tij të raportuara janë vënë nën hetim ose vëzhgim, ka treguar se ai është i gatshëm të mbrojë veten, anëtarët e familjes së tij dhe aleatët e tij politikë në kurriz të hetimeve të pavarura, përpjekjeve antikorrupsion dhe llogaridhënies. Veprimet korruptive të Berishës vazhdojnë të bëjnë jehonë në Shqipëri dhe në të gjithë rajonin akoma edhe sot.

-A do të ketë persona të tjerë që mund të shpallen “non grata” nga Shtetet e Bashkuara?

Kur Sekretari i Shtetit merr informacion të besueshëm se një zyrtar është përfshirë, drejtpërdrejt ose indirekt, në korrupsion të rëndësishëm ose një shkelje të rëndë të të drejtave të njeriut, Sekretarit i kërkohet të caktojë ose identifikojë atë zyrtar dhe anëtarët e familjes së tij të ngushtë sipas nenit 7031 (c) qoftë publikisht ose privatisht. Departamenti i Shtetit do të vazhdojë të përdorë këtë autoritet dhe të gjitha mjetet në dispozicion për të luftuar korrupsionin globalisht. Në varësi të rrethanave të veçanta, disa emërtime bëhen publikisht, ndërsa të tjerët bëhen privatisht.

0 0 votes
Article Rating
Total 0 Votes
0

Tell us how can we improve this post?

+ = Verify Human or Spambot ?

Subscribe
Notify of
guest
0 Comments
Inline Feedbacks
View all comments