Hashim Thaçi mbetet në burg, Specialja i refuzon kërkesën për lirim

Në Gjykatën Speciale në Hagë sot është mbajtur seanca e radhës paragjyqësore ndaj ish-krerëve politikë e ushtarakë të UÇK-së, Hashim Thaçi, Kadri Veseli, Jakup Krasniqi e Rexhep Selimi.

Në këtë seancë është diskutuar edhe për kërkesat për lirim të përkohshëm.

Prokurorja është shprehur përsa i takon mocionit për lirim të përkohshëm për ish-presidentin e Kosovës Hashim Thaçit, duke thënë se ajo është refuzuar.

“Sa i takon mocioneve paraprake ne nuk shikojmë ndonjë bazë sa i takon shtyrjes. Sa i takon kërkesës për mocionet për lirim të përkohshëm, prokuroria është kundër këtyre kërkesave, dhe fuqimisht ne e kemi parashtruar dje përgjigjen tonë sa i përket z. Thaçi, e kemi dhënë këtë përgjigje dje brenda afatit”, ka thënë ajo.