Rama pranon propozimin e Bashës: Do mbështesim financiarisht të sëmurët
Deri më tani asnjë lek nuk është dhënë nga buxheti i shtetit për të mbështetur apo financuar familjet e prekura nga infektimi me Covid-19.
Prej javësh kreu i opozitës Lulzim Basha, ka deklaruara se nëse ai do të ishte kryeministër do të rimbursonte ilaçet e koronavirusit, duke kërkuar edhe nga Rama që të bëjë të njëjtën gjë.
Rama, siç edhe ka vepruar në herët e tjera, i ka refuzuar fillimisht propozimet e Bashës, por më pas i ka pranuar ato.
Kështu ka bërë edhe këtë herë.
Pasi refuzoi për disa herë propozimin për rimbursimin e ilaçeve të të sëmurëve me Covid, Rama tha sot se do të mbështesë të sëmurët.
‘Do të ketë një paketë shtesë për të mbështetur të sëmurët me koronavirusin Covid-19. Paketa mbështetëse konsiston në ilaçet esenciale në luftën ndaj virusit.
Ndërsa ata që trajtohen me ndihmë ekonomike, do të ju shtohet përfitimi’, deklaroi sot Edi Rama, duke pranuar propozimet e kreut të opozitës, Lulzim Basha.
© SYRI.net