Këngëtarja Kesha pozon e zhveshur për Ditën e Tokës
Këngëtarja 39-vjeçare Kesha festoi Ditën e Tokës duke ndarë me ndjekësit e saj në Instagram një sërë fotosh të guximshme, ku shfaqet e zhveshur në plazh dhe në det.
Në foton e parë, ajo shfaqet duke buzëqeshur dhe shprehet: “Nëna Natyrë është femërore hyjnore.” Fotografia e dytë e tregon këngëtaren të shtrirë në ujë duke mbajtur një gur, ndërsa shkruan: “Unë jam shuma e pafundme e gjërave nga të cilat jam bërë.”
Në foton e tretë, ku mbulon gjoksin me një emoji zemre, Kesha pyet: “A ka ndaluar ndonjëherë dikush të mendojë se ndoshta ne jemi alienët?” Ndërsa foton e fundit ia kushtoi natyrës, duke fotografuar shkëmbinjtë në plazh dhe duke shkruar: “Ylli më i përkulur i pop-it që këta shkëmbinj kanë parë ndonjëherë.”
Postimi është pritur me reagime të shumta nga fansat, të cilët vlerësuan mesazhet filozofike dhe lidhjen e saj me natyrën.
