Arben Malaj thirrje socialistëve: “Zgjohuni sa nuk është vonë”

Ish-ministri i Financave, Arben Malaj, ka kritikuar ashpër kryeministrin Edi Rama pas një debati të ndezur gjatë mbledhjes së grupit parlamentar të Partisë Socialiste.

Ish-ministri kujtoi përplasjen e tij personale me kryeministrin, ku u shpreh publikisht: “PS-ja nuk mund të jetë repart ushtarak”, duke u përballur me kërcënimet e Ramës për ta larguar nga mbledhja.

Malaj paralajmëron se ata që nuk i nënshtrohen Ramës trajtohen si armiq dhe shprehu shqetësimin e tij për nivelin e ulët të demokracisë së brendshme në PS.

Ai përfundoi mesazhin e tij me thirrjen: “Zgjohuni përpara se të jetë vonë.”