Ekuador/ Tmerri: Hyjnë të veshur si polica dhe bënë mas*akër
Mbrëmjen e 7 janarit, një grup burrash të veshur me uniforma që i ngjanin atyre të policisë, hynë me forcë në një urbanizim në Isla Mocolí, në Guayaquil – Ekuador, dhe u drejtuan drejt një fushe sportive, ku po zhvillohej një ndeshje futbolli rreth orës 21:26.
Autorët ndërprenë ndeshjen, hynë në ambientin sportiv dhe i detyruan të pranishmit të shtriheshin përtokë, ndërsa kontrollonin zonën për të identifikuar objektivat e tyre. Sipas informacioneve, ata kontrolluan një nga një lojtarët, duke u vëzhguar fytyrat dhe duke përdorur elektrikë për të konfirmuar identitetet.
Brenda rreth dy minutash, tre persona u vranë në vend, pas së cilës autorët u larguan, ndërsa pjesëmarrësit e tjerë u shpërndanë të kapluar nga paniku.
Mes viktimave është Stalin Rolando Olivero Vargas, i njohur si “Marino”, i identifikuar si kreu i grupit kriminal Los Lagartos, si edhe Jefferson Sanlon Olivero dhe Richard Josué Mina Vergara.
Ministri i Brendshëm, John Reimberg, deklaroi se alias “Marino” konsiderohej objektiv me vlerë të lartë, nuk banonte në urbanizim dhe ndodhej aty si i ftuar. Autoritetet vijojnë hetimet për zbardhjen e plotë të ngjarjes.