Makina e djegur pranë Tapizës, gjenden dy kallashnikovë brenda automjetit

Makina e djegur pranë Tapizës, gjenden dy kallashnikovë brenda automjetit

Mbrëmë, në orët e vona, një automjet tip “Peugeot” u gjet i djegur pranë zonës së Tapizës, në afërsi të fshatit Dritas në Kamëz.

Gjatë kontrollit, forcat e policisë konstatuan se brenda në makinë ndodheshin dy armë automatike kallashnikov dhe dy karikatorë.

Automjeti ishte pa targa dhe armët ishin vendosur në sediljen e pasme.

Menjëherë pas njoftimit, në vendngjarje kanë mbërritur grupe të shumta të policisë, të cilat po kryejnë hetime për identifikimin e pronarit të automjetit dhe rrethanat e ngjarjes.

Ndërkohë, armët janë sekuestruar si prova materiale, ndërsa makina është dërguar për ekspertizë të mëtejshme në laboratorin kriminalistik.