Kompanitë ajrore të shqetësuar për dronët rusë mbi aeroporte

Drejtori ekzekutiv i kompanisë së fluturimeve “Ryanair”, Michael O’Leary, ka akuzuar Bashkimin Evropian se ka dështuar të mbrojë aeroportet nga dronët që fluturojnë pranë tyre, duke kërkuar që ato të rrëzohen menjëherë për të shmangur rrezikun në trafikun ajror.

Megjithatë, ai shtoi se ngritja e një “muri kundër dronëve” nuk është zgjidhje efektive, pasi sipas tij “rusët mund të lëshojnë një dron edhe nga brenda Polonisë”.

“Nuk kam besim tek udhëheqësit evropianë që ulen duke pirë çaj dhe ngrënë biskota. Nëse ata nuk mund të mbrojnë as fluturimet mbi Francë, çfarë shanse kemi për t’u mbrojtur nga Rusia?”, tha ai.

Ai gjithashtu kritikoi presidenten e Komisionit Evropian, Ursula von der Leyen, duke e quajtur “të padobishme” dhe duke kërkuar dorëheqjen e saj.