Bashkëshortja e Charlie Kirk shpërthen në lot: “Trashëgimia e tij nuk do të vdesë kurrë”
Erika Kirk, bashkëshortja e aktivistit konservator Charlie Kirk, ka mbajtur një fjalim emocionues disa ditë pas vrasjes së bashkëshortit të saj gjatë një eventi publik në Utah.
“Trashëgimia e tij nuk do të vdesë kurrë. Zëri i tij do të vazhdojë të dëgjohet,” u shpreh ajo.
Erika, e cila ishte në audiencë bashkë me dy fëmijët e tyre të vegjël në momentin e të shtënave, tha se bashkëshorti i saj e donte mbi të gjitha familjen, por edhe presidentin Trump dhe zëvendëspresidentin JD Vance, të cilët ndihmuan në kthimin e trupit në Arizona.
“Nëse menduat se misioni i tij ishte i fuqishëm deri tani… nuk keni parë asgjë ende,” tha ajo, duke iu drejtuar atyre që e qëlluan.
Charlie Kirk, 31 vjeç, ishte një nga figurat më të njohura të lëvizjes konservatore të re në SHBA. Ai u qëllua për vdekje gjatë një eventi universitar në Orem, Utah, teksa fliste për çështje si dhuna me armë dhe të drejtat e komunitetit transgjinor.
Presidenti Trump ka njoftuar se do t’i japë atij Medaljen Presidenciale të Lirisë pas vdekjes, duke e cilësuar një “kampion të lirisë” dhe “gjigand të brezit të tij”.
Turning Point USA e përshkroi atë si një “dëshmor” të kauzës konservatore.