Detaje/ Mblidhet kryesia e Partisë Socialiste, në takim edhe kryetarët e bashkive

Kryesia e Partisë Socialiste po mban një mbledhje në selinë rozë, mbledhje e thirrur nga kryesocialisti Edi Rama.

Gazetari Ergys Gjencaj raporton se në takim janë të pranishëm edhe kryetarët e bashkive socialiste të vendit ku në fokus është angazhimi i strukturave të kësaj partie në lidhje me zgjedhjet parlamentare të 11 majit.

Pika e dytë ka të bëjë me zëvendësimin e drejtuesit politik në qarkun e Dibrës, pasi Blendi Gonxhe është larguar nga ky pozicion për të drejtuar fushatën në zonën e Kombinatit në Tiranë. Pritet që drejtues politik në Dibër të vendoset Blendi Klosi.