Sport

VIDEO/ Napoli i ndal Interit serinë e fitoreve

Inter dhe Napoli kanë përfunduar në barazimin 1-1 në “San Siro”.

Sfida ishte intensive që nga fillimi i saj, me Interin që tentonte disa herë të shënonte ndaj miqve.

Goli i parë i sfidës erdhi vetëm pak para përfundimit të pjesës së parë, ku në minutën e 43’ ishte Darmian që i dha epërsinë Interit.

Në pjesën e dytë, zikaltërit ishin përsëri më kërkues, por nuk arrinin të gjenin hapësirat e duhura, me Napolin që ishte i vendosur mirë në mbrojtje. Të kaltërit tentuan shpesh të barazonin rezultatin, por Inter ishte i vendosur mirë në prapavijë duke ua bërë shumë të vështirë kundërshtarëve.

Goli i barazimit nga Napoli erdhi pranë fundit të ndeshjes, ku në minutën e 81’, një rrëmujë brenda zonës zikaltër gjeti me portën e boshatisur ish-mbrojtësin e kryesuesve, Juan Jesus, i cili dërgoi topin në rrjetë.

Me këtë barazim, Inter vazhdon të mbetet në vendin e parë me 76 pikë, 14 pikë më shumë se Milan i vendit të dytë, ndërsa Napoli renditet në vendin e shtatë me 45 pikë.

Shikoni golin e Interit

Total 0 Votes
0

Tell us how can we improve this post?

+ = Verify Human or Spambot ?