Tish Daija: Kompozitori i shquar sot do të mbushte 97 vjeç
Më 7 dhjetor 1926, lindi kompozitori dhe muzikanti shqiptar, Tish Daija.
Lindi në Shkodër nga një familje artizanësh. Ende pa hyrë në shkollë u bë pjesëtar i korit françeskan.
Në moshën 10-vjeçare mori pjesë në bandën muzikore “Antoniane” të drejtuar nga Prenkë Jakova dhe filloi të luajë në klarinetë, saksofon dhe në instrumente të tjerë.
Pasi mbaroi studimet në vitin 1946, u emërua mësues muzike në Vlorë. Në vitin 1956, u diplomua si kompozitor. Daija dha një kontribut të madh dhe në Ministrinë e Arsimit dhe të Kulturës, ku punoi për 6 vjet me radhë.
Në vitin 1962, u emërua në Ansamblin e Këngëve dhe të Valleve Popullore, ku organizoi një sërë koncertesh brenda dhe jashtë trojve shqiptare.
Për të gjithë veprimtarinë, kontributin dhe punën e palodhur që dha për muzikën shqiptare, iu akorduan titujt “Artist i Popullit” dhe “Profesor”.