Të gjitha frazat që lexoni në këtë titull janë ashtu siç po i lexoni! Nuk bëhet fjalë për ndonjë kamer të fshehtë, por janë fjalët e një avokati që duhet të mbrojë viktimat e dhunës dhe krimit, i cili i drejtohet Jashar Majës me një gjuhë të papranueshme.
Ky i fundit është një nga dy kushërinjtë që u dhunuan barbarisht nga fisi i deputetit Rraja një muaj më parë në Fushë Krujë.
Shkopa bejsbolli, grushta e shkelma dhe qyta pistoletash në kokë e trup pësuan dy kushërinjtë Jashar e Bilbil Maja. Mirëpo, skenat e dhunës që shokuan opinionin publik, i hëngrën kokën ministrit Çuçi dhe detyruan deputetin Rrahman Rraja të jepte dorëheqjen, nuk i bëjnë përshtypje avokatit.
Me një gjuhë të papranueshme për një avokat, Saimir Visha i është drejtuar Jashar Majës mbrëmjen e djeshme në emisionin “Now” të Erla Mëhillit në Euronews.
“Po ça të drejte kërkon ti, ti je gjallë, je shumë mirë. Ata po të dojshin të vrisnin, të vrisnin”, është një nga shprehjet me të cilat Saimir Visha i është drejtuar Jashar Majës, shprehje e cila ka lënë pa fjalë edhe të ftuarit.
“Më duket sikur kanë ardh Rrajat në studio”, tha njëri nga panelistët e tjerë në studio, pas deklaratave shokuese të avokatit.
© Të drejtat e pamjeve nga Euronews Albania, youtube.com/@EuronewsAlbania
Pjesë nga biseda në emision:
Saimir Visha: Po ti je qëlluar ti, je viktimë apo çfarë je ti o vëlla?!
Jashar Maja: Po kush është ai?
Erla Mëhilli: Është avokati Saimir Visha
Saimir Visha: Kush je ti o vëlla?! Ti je viktimë?
Jashar Maja: Zotëri avokat…
Saimir Visha: Ti je viktimë, apo je vëllai, çfarë je ti?!
Erla Mëhilli: Është një nga viktimat
Jashar Maja: Unë jam viktima, Jashar Maja
Saimir Visha: Ke qenë aty, ka dashur njeri të të vrasë ty?!
Jashar Maja: Po
Erla Mëhilli: Mund dhe të kisha vdekur, thotë zotëria
Saimir Visha: Të ka qëlluar njeri në kokë ty?
Jashar Maha: Po!
Saimir Visha: Si po?!
Jashar Maja: Ore zotëri unë kam fraktura, i kam dhe sot të dukshme
Saimir Visha: Po ça frakture ore, ti kërkon dëmshpërblim. Ça viktime je ti o burrë
Një nga të ftuarit: Më duket sikur kanë ardh Rrajat në studio
Jashar Maja: Zotëri unë nuk po i kërkoj dëmshpërblim, unë po kërkoj të drejtën time
Saimir Visha: Po ça të drejte kërkon ti, ti je gjallë, je shumë mirë. Ata po të dojshin të vrisnin, të vrisnin
