Zgjedhjet në Kukës/ PD e ka me dy mëndje, të hyjmë me kandidat apo jo…

Ndonëse nuk ka ende një kandidat Partia Demokratike hedh hapin e parë për zgjedhjet e Kukësit që do të mbahen më 24 shtator.

PD do të regjistrohet si parti politike për pjesëmarrjen në zgjedhjet për bashkinë e Kukësit. Afati i fundit për tu regjistruar në KQZ si subjekt zgjedhor është 1 shtatori, ndërsa PD po pret sugjerimin e kryesisë së degës së Kukësit për të vendosur nëse do nxjerrë kandidat apo jo.

Në mbledhjen e kryesisë së PD mbrëmjen e djeshme, e cila zgjati deri në mesnatë nuk u diskutua për kandidatin e Kukësit, por vetëm ndryshimet në statut.