Ministrja e Punëve të Jashtme të Kanadasë, Melanie Joly, do të mbërrijë nesër për një vizitë zyrtare në Tiranë. Gjatë kësaj vizite ministrja do të pritet nga homlogia Olta Xhaçka.
Zyrtarja kanadeze do të vizitojë Tiranën në kuadër të turit të saj në Sloveni dhe Maqedoninë e Veriut. Kjo është vizita e dytë e një ministri kanadez në Shqipëri për një periudhë gati 9-vjeçare.
Marrëdhëniet politike dhe diplomatike mes dy vendeve Shqipëri-Kanada, janë zhvilluar ndjeshëm gjatë këtyre viteve, me ndikim të drejtpërdrejtë në fuqizimin e bashkëpunimit në fusha të interesit të ndërsjellë.
Theksojmë se të dy vendet ndajnë vlera të përbashkëta dhe si aleate në NATO, të cilat janë të angazhuara për ruajtjen e paqes dhe sigurisë në nivel rajonal dhe ndërkombëtar.
