Ngjarje e rëndë në Kumanovë, burri vret gruan dhe vjehrrën, më pas…

Lajmin e ka bërë të ditur Policia e RMV përmes një njoftimi, ku thuhet se ngjarja ka ndodhur rreth orës 12:45 të ditës së sotme.

 

“Sot, më 25 gusht, rreth orës 12:45, policia pas një njoftimi kallëzim kanë gjetur të ndjerën E.A.J (40) dhe nënën e saj P.N., e cila më parë ishte vrarë me thikë nga D.J. (46), në një banesë në Kumanovë. Më pas vrasësi me inicialet D.J. është vetëplagosur dhe është hedhur nga dritarja e banesës”, njofton policia.

D.J. është transferuar në Spitalin e Përgjithshëm të Kumanovës, ku edhe ka ndërruar jetë. Prokurori publik dhe ekipet e SPB Kumanovë janë duke ndërmarrë masa për zbardhjen e rastit, raporton INA.

Gjithashtu mësohet se çifti kishte dy fëmijë të mitur, njëri prej tyre nuk ndodhej në shtëpi, ndërsa tjetri ndodhej në një nga dhomat e banesës ku ndodhi ngjarja.