Kryeministri Edi Rama ka njoftuar se efektivët e dërguar nga Shqipëria për të ndihmuar Greqinë në luftën e saj kundër zjarreve janë makismalisht të angazhuar.
Përmes një postimi në llogarinë e tij në Facebook, Rama tregon se efektivët tanë të cilët kanë shkuar me mision në zonat e prekura nga zjarret në Greqi, janë maksimalisht të angazhuar në operacionin e shuarjes së flakëve në zonën e Aleksandropulit.
Aleksandropuli është një nga zonat më të prekura nga zjarret në Greqi ku zjarrëfikësit kanë hasur vështirësi në shuarjen e flakëve. Shkak është bërë terreni tejet vështirë dhe erërat e forta që favorizojnë zjarret.
“Efektivët tanë, me mision në zonat e prekura nga zjarret në Greqi, janë maksimalisht të angazhuar në operacionin e shuarjes së flakëve në zonën e Aleksandropulit, si një nga zonat më të prekura nga kjo emergjencë e madhe që ka goditur fqinjët këtë sezon të nxehtë”, njoftoi Rama.
