SPRINT NEWS ALBANIA

Aktualitet

‘Çmendet’ gjirokastriti. Pasi e rrahu, i drejtoi çiften nënës

Një 44 vjeçar është arrestuar në fshatin Zhulat të Gjirokastrës pasi ushtroi dhunë fizike dhe psikologjike ndaj nënës së tij dhe e kanosi atë me armë gjahu.



Kishte qenë vetë e moshuara që kishte telefonuar policinë për të kallëzuar djalin e saj.

Menjëherë pas marrjes së kallëzimit nga shtetasja 71 vjeçe, policia ka ndërhyrë dhe e kanë arrestuar në flagrancë shtetasin Y. P., 44 vjeç.


“Ky shtetas ka ushtruar dhunë fizike dhe psikologjike ndaj nënës së tij dhe e ka kanosur atë me një armë gjahu çifte që e posedonte me leje” informoi sot policia e Gjirokastrës.

Arma e gjahut u sekuestrua në cilësinë e provës materiale së bashku me një sasi municioni luftarak për këtë lloj arme, një sasi lënde të dyshuar narkotike kanabis dhe një armë të ftohtë thikë, që i posedonte 44-vjeçari.

Total 0 Votes
0

Tell us how can we improve this post?

+ = Verify Human or Spambot ?