SPRINT NEWS ALBANIA

Aktualitet

Balla në Elbasan: Do zbres vetë në çdo zyrë e Komisariat, syri qorr është kundërvënie ndaj shtetit

Ministri i Brendshëm Taulant Balla, është takuar këtë të shtunë me strukturat drejtuese të Policisë Vendore të Elbasanit. Ai u ka bërë të qartë drejtuesve se se forcat e rendit duhet të qëndrojnë vetëm në krahun e qytetarëve.

“Jam këtu për t’ju udhëhequr, duke ju dëgjuar, duke ju mbështetur dhe do të zbres vetë të kërkoj përgjegjësinë në çdo zyrë e Komisariat. Kërkoj nga ju angazhim si asnjëherë më parë në Elbasan në luftën kundër krimit.

Veshi i shurdhër dhe syri qorr, heshtja bashkëfajtore me të ‘fortët’ e lagjes dhe mosreagimi i forcave të rendit ndaj denoncimeve të qytetarëve, janë rreshtim i Policisë kundër tyre, është kundërvënie ndaj shtetit”, është shprehur Balla.

Sipas tij, çdo drejtues apo punonjës në rolin bazë që tradhton Policinë në misionin e saj, nuk do të ketë vend në radhët blu.

“Kush nuk do të tregojë gatishmërinë për të shkuar përtej vetes, duke e rritur kontributin për kauzën e përbashkët, do ta ketë të pamundur të qëndrojë në pozicionin që ka në Policinë e Shtetit”, deklaroi ministri i Brendshëm.

Total 0 Votes
0

Tell us how can we improve this post?

+ = Verify Human or Spambot ?