SPRINT NEWS ALBANIA

Aktualitet

SPAK kërkon autorizim nga Kuvendi për arrestimin e Arben Ahmetajt

Mbërrin në Kuvend kërkesa e SPAK për arrestimin e ish-zv.kryeministrit Arben Ahmetaj.



Ahmetaj akuzohet per korrupsion ne lidhje me iceneratoret…


Ai akuzohet për 4 akuza, për shpërdorim detyre, korrupsion, pastrim parash dhe përfitime të paligjshme.

Gazetarja Klodiana Lala raportoi për “BalkanWeb” se SPAK ka dorëzuar kërkesën për të marrë “OK” nga Kuvendi për arrestimin e Ahmetajt, i cili është nën hetim për aferën e inceneratorëve.

“Pak minuta më parë në Kuvendin e Shqipërisë është protokolluar kërkesa e SPAK që kërkon lejen për arrestimin e Ahmetajt për shkak të imunitetit të deputetit.

Ndaj tij janë ngritur tre akuza penale, korrupsion pasiv, pastrim parash dhe deklarim i rremë dhe fshehje pasurie. Për këto akuza është kërkuar dhe arrestimi i tij. Bashkë me lejen për arrestimin është dhe ajo për kontrollin personal dhe të celularëve të tij.

 

 

Më herët SPAK ka vepruar me kontrollin e dy banesave, të partneres së z. Ahmetaj në Hamallaj dhe një vilë në zonën e Palasës që mendohet se disponohet nga ish-bashkëshortja e Ahmetaj. Të dy pasuritë janë sekuestruar nga SPAK dhe ka pasur një përpallje të tij me drejtësinë që e kundërshtonte këtë kontroll dhe sekuestro, sidomos për banesën në Hamallaj ku jetonte me bashkëjetuesen Erjola Hoxha.

Sipas ligjit do duhet të mblidhet komisioni dhe në qoftë se Ahmetaj do të vijojë ta mbajë imunitetin e deputetët, prokurorët e posaçëm do të paraqiten para komisionit në Kuvend për të paraqitur provat e tyre. Pritet të dëgjohet dhe vetë ish-zv.kryeministri Arben Ahmetaj deri te seanca që mund të vendosë për të dhënë aprovimin që mund të çojë në arrestimin e tij”, raportoi Lala.

Total 0 Votes
0

Tell us how can we improve this post?

+ = Verify Human or Spambot ?