Aktualitet

“Ata më lëshuan mua, punuan pas shpine”/ Rama flet për Ahmetajn dhe Tahirin

Ben Ahmetaj e Tahiri dikur janë lëshuar nga ty?”.

Kjo pyetje e Grida Dumës në kulmin e intervistës mes tyre mbrëmjen e sotme në “Top Story”, i dha Edi Ramës hapësirën e nevojshme për të thumbuar e dhënë goditjen e fundit ish/zv-kryeministrit dhe ish-ministrit të tij të Brendshëm, me një përgjigje të vetme.

Pavarësisht se shumë pak mund ta besojnë se Saimir Tahiri në 2016 e shkeli me vetëdije dhe bindjen personale ligjin duke lejuar kanabizimin e vendit, dhe se Arben Ahmetaj më pas dha “OK” me kokën e tij për aferën e inceneratorëve, Rama u përpoq të servirte për publikun këtë qëndrim.

I kam thënë unë nuk jam për t’ju mbajtur juve, ju jeni për të mbajtur PS-në dhe të mos më lëshoni mua se unë e quaj lëshim të bësh gjëra pas shpinës time”, u përgjigj kryeministri pas pyetjes pikante, duke u mbrojtur me tezën se ai nuk ishte në dijeni të veprimeve të dy emrave me më shumë fuqi vendimarrje në qeverinë e tij.

Duke vijuar në vazhdën e teorisë së Tulant Ballës se “përgjegjësia është personale”, Rama u shpreh se për askënd në gjirin e partisë së tij nuk do të bëhej mburojë për drejtësisnë.

Unë nuk jam mburojë e askujt për drejtësinë. Ditën që formohet qeveria kjo është fjalia ime e parë, nga tani e pas secili do te mbajë vendin me punën e vet dhe me integritetin. Nëse mendoni se edhe do të mbani vendin dhe përveç punëve të përbashkëta do të bëni edhe të tjera do të mbani përgjegjësi vetë. I kam thënë unë nuk jam për t’ju mbajtur juve, ju jeni për të mbajtur PS-në dhe të mos më lëshoni mua se unë e quaj lëshim të bësh gjëra pas shpinës time. I kam të gjithë bashkëpunëtorët të rëndësishëm edhe ata që janë n ëqeveri edhe ata që janë në parlament edhe kryetarët e bashkive janë të gjithë të rëndësishëm. Servilizmi nuk është një virtyt ose një cilësi që unë e kam të nevojshme, nuk kam nevojë për servilë se janë të mërzitshëm, nuk të sfidojnë, nuk të krijojnë atë ndjesinë e energjizimit të punës kështu që nuk i dua”, u shpreh kreu i qeverisë.


 

Në fund një mesazh për të qëndruar me këmbë në tokë e kishte rezervuar për zv/kryeministren që pasoi Ahmetajn në qeveri, duke u shprehur se Belinda Balluku nuk mund të bëhet Edi Rama, pavarësisht punës së saj të mirë.

Bashkëpunëtorët janë shumë të rëndësishëm për të sfiduar.Ne kemi plan pune kemi kritere performancë kemi afate dhe puna është kryesorja. Belinda është shumë e dukshme në këtë periudhë sepse mbulon një pjesë shumë të rëndësishme të punës dhe e mbulon me shumë sukses e kompetencë. Është e vështirë të bëhet si Rama sepse në një moment të caktuar kur ka një lider që ka një fuqi tërheqëse të karrocës më të madhe se zakonisht, partia kalon në një fazë që e ka të mundur të tërheqë karrocën kështu”, tha Rama.

Total 0 Votes
0

Tell us how can we improve this post?

+ = Verify Human or Spambot ?