Kryetari i komanduar i Partisë Demokratike, Enkelejd Alibeaj ka prezantuar këtë të hënë kandidatin e PD- së për Bashkinë Finiq, Leonidha Pepa.
Gjatë fjalës së tij, Alibeaj iu ka bërë thirrje banorëve të kësaj bashkie që të votojnë Pepën, pasi sipas tij ai beson te e ardhmja që do të ndërtojnë së bashku.
“Leonidhës i thashë së a beson tek këto vlera që PD ka dhe do t’i çojë më tej dhe mora përgjigje pozitive që po, beson tek kjo e ardhme që ne duam të ndërtojmë së bashku. Zgjedhjet lokale janë të vështira.
Ata të cilët banojnë këtu, ju bëj thirrje që të vijnë dhe të japin kontributin e tyre për të mirën e këtij vendi për vlerat që Leonidha mbart, ndaj të cilave ai e merr përsipër sakrificën. Ne kemi fituar ngritjen e një lëvizje të një partie vërtetë të djathtë. Do të shkojmë drejt një shoqërie intelektuale.”-u shpreh Alibeaj.
Ai ka tha se PD-ja u ndodh në një sulm dhe për këtë ka akuzuar Sali Berishën dhe kreun e PL-së, Ilir Metën.
“Është zgjedhja më e drejtë për sot dhe për nesër në të ardhmen. PD u ndodh në një sulm nga pushteti dhe në një sulm të pamoralshëm dhe nga ish-lideri ynë Berisha së bashku me Ilir Metën. PD sot bëri atë ndarje të dhimbshme për të ofruar një tjetër alternativë jashtë korrupsionit.
Sëmundja më e rëndë sot e shtetit shqiptar është korrupsioni, ne do të duhet të distancohemi nga çdo njeri që mbart gjurmë korrupsioni. Marrëdhënia e shtetit shqiptar me SHBA dhe Europën është vitale. Sytë tanë janë nga Perëndimi dhe do të zbatojmë ato vlera që ato kanë. E patelorueshme që Sali Berisha të shpallë luftë ndaj SHBA, Mbretërisë së Bashkuar dhe Evropës.”- tha deputeti i PD.
