Procedura tenderuese për të cilën akuza ka gjetur shkelje është ajo e ujësjellësit me vlerë afro 3 milionë euro. Sipas hetimeve, Alla në bashkëpunim me nëpunësit kanë favorizuar një bashkim kompanish që të fitonte tenderin. Kompania fituese në fakt, rezulton se nuk ka kryer punime për kontratën e lidhur me bashkinë, por ato i ka realizuar një firmë tjetër me pronar Aqif Koneshën, që SPAK e cilëson lidhje shoqërore të kryetarit të Bashkisë.
Kryebashkiaku ka mohuar akuzat ndaj tij, të cilat i konsideron politike.
“Në gjykimin tim më mirë të më thoshin hap krahun, se sa të bëhen këto gjyqe politike”, është shprehur në dëshminë e tij kryebashkiaku, duke akuzuar kështu shefin e tij politik Edi Rama. Deklaratë kjo që shkon në mbështetje të zërave se mes Ramës dhe Allës ka pasur përplasje interesash lidhur me rikandidimin për zgjedhjet lokale të 14 Majit.
