Shqiptar sulmon banesën e fqinjit me buldozer, italiani e vret me armë gjahu

Bota

Një mosmarrëveshje mes dy fqinjësh, mes tyre edhe një shqiptar, në një provincë të Italisë, ka përfunduar në tragjedi.

Sipas mediave italiane ngjarja që ka ndodhur mbrëmjen e djeshme në një fshat të Arezzos ka përfshirë një 57-vjeçar shqiptar i cili ka sulmuar me buldozer shtëpinë e fqinjit të tij italian, por ky i fundit pas sulmit është përgjigjur me armë zjarri duke lënë të vdekur shqiptarin me një çifte gjahu.

57-vjeçari shqiptar, punëtor, humbi jetën pas plagëve të shkaktuara nga arma e gjahut, ndërsa fqinji i tij italian, 53-vjeçar, u arrestua i përballur me akuzën për vrasje.

Mësohet se rreth orës 20:30, moment kur shtetasi shqiptar po ngiste mjetin e rëndë, të paktën pesë të shtëna janë dëgjuar nga banesa e italianit, 4 prej të cilave përfunduan në trupin e 57-vjeçarit nga Shqipëria.

Total 0 Votes
0

Tell us how can we improve this post?

+ = Verify Human or Spambot ?