Qeveria iu vendos kusht studentëve që fitojnë bursa

Aktualitet

Ministrja e Arsimit Evis Kushi ka njoftuar ditën e sotme se studentët eksleentë që pajisen me bursa studimi me vlerë sa paga minimale do të jenë të detyruar të qëndrojnë dhe të punojnë në Shqipëri të paktën edhe tre vite pas diplomimit.

“87% e studentëve ekselentë kanë vendosur të studiojnë këtu në vendin tonë. Në bashkëpunim me universitetet po punojmë për të rritur cilësinë e arsimit të lartë dhe që Shqipëria të mos rrezikojë që shumë prej jush t’i ketë larg. Kemi ofruar bursa studimi me vlerë sa paga minimale për studentë të shkëlqyer edhe për ata studentë që kanë zgjedhur programet prioritare apo ata që kanë fituar olimpiada ndërkombëtare. Por ama kemi vendosur një kusht që pas diplomimit të vazhdoni të qëndroni këtu të punonin edhe për të paktën tre vite”, deklaroi Kushi.

Ajo u shpreh se këtë vit ka më shumë fitues të medaljeve të arta në krahasim me një vit në parë për shkak të uljes së kriterit të vlerësimit maksimal në provimet me zgjedhje për të shtuar përfituesit nga kjo skemë.

“Kemi shumë më tepër fitues të medaljeve të arta. Ka një arsye pse jemi më shumë. Ne këtë vit kemi ndryshuar kriteret për ata që fitojnë medalje të artë. Deri vitin e kaluar ishte për ata maturantë që përfundonin studimet me të gjitha dhjeta. Këtë vit kemi vendosur që një nga katër provimet mund të jetë 10.00. Kemi 123 fitues. Ju jeni krenari për ne dhe model frymëzimi për shokët dhe shoqet. Për të rinjtë dhe të rejat. Ne kemi sot nga Tirana. Durrësi, Kurbin. Lezha, Kukësi. Kur të ktheheni ju sot në qytetet tuaja të gjithë do të jenë krenar. Pyetja e tretë e nuk e shmang dot është sa janë vajza dhe sa janë djem. Vajzat edhe këtë vit e kanë ruajtur pozicionin e tyre. 88 janë vajza dhe 35 janë djem”, deklaroi ajo.

“Kjo e shpjegon mirë faktin pse 75% e kabinetit qeveritar janë gra dhe vajza. 58 nga 123 studiojnë mjekësi të Përgjithshme. Jam e kënaqur që të rinjtë tanë po përshtaten me tendencat ë ka tregu i punës. Kemi 30 të rinj që studiojnë për inxhinieri dhe informatikë”, tha Kushi.

Total 0 Votes
0

Tell us how can we improve this post?

+ = Verify Human or Spambot ?