Moment i frikshëm! Akrobatja e cirkut rrëzohet gjatë performancës
Një akrobate cirku është rrëzuar gjatë një akrobacie në unazën e cirkut para qindra fëmijëve dhe prindërve të tyre.
Pamjet e publikuara në media tregojnë momentin e tmerrshëm kur 26-vjeçarja Tatyana Zolotukhina rrëzohet ndërsa po performonte me bashkëshortin e saj Sergey Zolotukhin, 34 vjeç.
Akrobatja e cirkut nuk arriti ta kapte dorën e tij dhe u rrëzua duke u përplasur në tokë gjatë një shfaqjeje në Rusi.
Publiku nisi të bërtiste nga frika, ndërkohë që burri i akrobates nxitoi ta ndihmonte përpara se ta largonte nga skena me stafin e mjekëve.
Ajo u dërgua me urgjencë në spital ku iu nënshtrua disa analizave dhe skanerave. Ajo theu vetëm kyçin e dorës por kishte frikë nga një thyerje e shtyllës kurrizore.