Xheni Karaj: Unë dhe e dashura ime duam fëmijë dhe të ligjërohet martesa jonë

E ftuar  në emisionin “Ditë e Re” në RTV Ora ishte aktivistja e komunitetit LGBT, Xheni Karaj. Gjatë intervistës Xheni ka zbuluar më shumë për marrëdhënien e saj me partneren, Livian dhe ka shprehur dëshirën që të bëhen me fëmijë.

Ajo tregoi se kanë menduar të bëhen prindër për herë të parë përmes insiminimit artificial. Xheni u shpreh se ato kanë shumë miq të afërt që mund të jenë donatorë dhe Kristi Pinderi është një nga personat që mund të jetë kandidat.

“Ka mënyra të ndryshme. Nuk është ide e keqe edhe adoptimi sepse ka shumë fëmijë që kanë nevojë për familje dhe dashuri. Ne faktikisht dëshirën e kemi ta bejë ose unë ose Livia ose të dyja me inseminim artificial. Kemi shumë miq të afërt që mund të jenë donatorë. Kristi është një nga personat që mund të jetë kandidat e kemi menduar si opsion. Kjo gjë ëshë në planet tona të afërta, jemi duke e diskutuar. Tani kemi dhe një çift shoqesh që janë duke e provuar insiminimin dhe të shohim si do shkojë me to.

Arjon  Muçaj: Nga ana ligjore një nënë beqare se ju rezultoni single, a mund të kryejë inseminim artificial?

Xheni Karaj: Po, mund të bëjë. E mira do jetë që në të ardhmen që dhe ky legjislacion të përmirësohet të lejojë që çiftet e komunitetit të kenë mundësi ta kenë fëmijën si çift jo si nënë single. Kur të bëjmë një fëmijë nuk do rezultojë e të dyjave, do rezultojë si fëmija e nënës që do e lindë.