Sulmi kibernetik, Blinken telefonon Ramën
Sekretari amerikan i Shtetit Antony Blinken ka zhvilluar një telefonatë me kryeministrin Edi Rama. Ambasada amerikane ka informuar për bisedën që në fokus ka pasur sulmin kibernetik.
Sipas zëdhënësit të Departamentit të Shtetit të SHBA, Ned Price, Blinken dënoi sulmin e papërgjegjshëm kibernetik të 9 shtatorit kundër sistemeve të kontrollit kufitar të Shqipërisë.
Sekretari theksoi rëndësinë e bashkëpunimit SHBA-Shqipëri, si aleatë në NATO, për sigurinë rajonale.
“🇦🇱 | ‘Sekretari i Shtetit Antony J. Blinken foli dje me kryeministrin shqiptar Edi Rama. Sekretari Blinken dënoi sulmin e papërgjegjshëm kibernetik të 9 shtatorit kundër sistemeve të kontrollit kufitar të Shqipërisë, i cili pason sulmin kibernetik të Iranit ndaj Shqipërisë më 15 korrik. Sekretari theksoi rëndësinë e bashkëpunimit SHBA-Shqipëri, si aleatë në NATO, për sigurinë rajonale’, – Zëdhënësi i Departamentit të Shtetit të SHBA, Ned Price”, shkruan ambasada e SHBA.
