Arrestohet ‘skifteri’ 47-vjeçar në Durrës
Një 47-vjeçar ka rënë në prangat e policisë, pasi akuzohet për vjedhje. Burime zyrtare nga policia bënë me dije se bëhet fjalë për shtetasin me inicialet E. K., banues në lagjen nr. 13 në Durrës.
47-vjeçari dyshohet se më datë 9 qershor të këtij viti, i ka vjedhur me dhunë varësen një shtetasi.
NJOFTIMI I POLICISE
I vodhi me dhunë varësen një shtetasi, vihet në pranga 47-vjeçari.
Specialistët për Hetimin e Krimit të Stacionit të Policisë Plazh, në vijim të punës për zbardhjen e vjedhjeve të ndodhura më parë, si dhe identifikimin e vënien në pranga të autorëve të tyre, ndaluan shtetasin në kërkim E. K., 47 vjeç, banues në lagjen nr. 13, Durrës, pasi dyshohet se më datë 9 qërshor të këtij viti, i ka vjedhur me dhunë varësen një shtetasi.
Materialet i kaluan Prokurorisë, për veprime të mëtejshme, për veprën penale “Vjedhja me dhunë”.